දිය යට දිගම හාද්ද.

 

 වසර 2013 වැලන්ටයින් දිනය නිමිත්තෙන් පැවැත්වුන අපූරු තරඟයක්. දිය යට හාදු දීම.

කළහැකිනම් මෙය යහපතකි රටටම

මේ ලියන්නට යන්නේ අපට මෑතක ලැබුණු තොරතුරක් ගැනය. මෙය නීති සංශෝධනයක් හා සම්බන්ධවයි. මෙය නිල වශයෙන් කෙරෙනවාද නැද්ද යන්න තවම තීන්දු වී නැතත් එය ඒ ආකාරයෙන් සිදුවීමේ වැදගත් කම හා එවැන්නක් සිදුවීමේ අවශ්‍යතාවය ගැන කරුණු ටිකක් ඉදිරිපත් කිරීම ලිපියේ අරමුණයි. මේ නීති සංශෝධනය කාන්තාවන්ට සිදුවන ලිංගික අතවර හා සම්බන්ධ වූවකි. අපට විද්‍යුත් මාධ්‍ය ඇතුලු සියලු ජන මාධ්‍ය වලින් අතොරක් නැතිව ඇහෙන ස්ත්‍රී දූෂණ හා ලිංගික අතවර සම්බන්ධ සිද්ධි වලින් කීයක් ඇත්ත වශයෙන්ම අතවර ලෙස සැලකියහැ කිද යන්න බොහෝ විට අප නොසිතන කාරනයයි. ඇත්තෙන්ම කාන්තාවන්ට පිර්මින්ගෙන් වන ලිංගික අතවර අර්ථගැන්වී ඇති සීමා මායිම් ගැන වර්තමානයේ පැහැදිලි ගැටලු තිබේ. විශේෂයෙන් වයස අවුරුදු 18ට අඩු පෙම්වතියන් සමග විවාහ වීමේ අදහසින් ඇතිකරගන්නා ලිංගික ඇසුරකදී පවා අනූ ගනන් වල රටේ කිසිවෙක් නොඉල්ලූ අතවර නීති සංශෝධන අනුව පෙම්වතුන් ස්ත්‍රී දූෂකයන් ලෙස සලකා දඬුවමට ලක්කෙරේ. මෙහිදී එවැනි ලිංගික ඇසුරක් කොහෙත්ම බලහත්කාරී අතවරයක් නොවන්නේ පිරිමි පාර්ශවය සිය සහකාරියන්ගේද පූර්ණ කැමැත්ත අනුව ඇසුර පැවැත්වීම යන කාරණය අනුවයි. 
                 

           දැන් අපේ සාකච්චාවට අදාල වී තිබෙන නීති සංශෝධන කුමක්ද යන්න කතාකළයුතුයි. මෙය නිල වශයෙන් කෙරෙයිද නොකෙරෙයිද යන්න තවම අවිනිශ්චිතය. නමුත් එය එසේ වියයුතුම කයා අප කියන්නේ එහි වැදගත්කම නිසාමයි. ඒ ලිංගික අතවර සිද්ධි වලදී අතවරයේ ස්වභාවය අනුව හා කලින් විස්තර කළ පරිදි එම සිද්ධි අතවර හැටියට සැලකීමේ සීමා මායිම් ගැන ගැටලු ඇති විට, අතවරයට පත් වුනා යැයි සැලකෙන තැනැත්තිය අතවරය කළා යැයි සැලකෙන පුද්ගලයා සමග විවාහ වීමට කැමතිනම් ද අතවර කරුවා යැයි සැලකෙන්නාද ඊට  කැමතිනම් ඔවුන්ට විවාහ වීමට හැකි පරිදි කෙරෙන නීති සංශෝධනයකි. කාන්තා කටයුතු ඇමතිවරයා විසින් යෝජනා කර ඇති මේ කාරනය අනුව එවැනි සිද්ධියකදී බාල වයස්කරුවන්ට විවාහ වීමට සුදුසු වයසට එළඹීමෙන් පසුව විවාහ වීමටද අවස්ථාව සැලසේ. කාන්තා කටයුතු ඇමතිවරයා විසින් කර තිබෙන මෙම යෝජනාව අතිශය ප්‍රශංසනීය වන්නේ සැබෑම ලිංගික අතවර සිදුවීම හා කුහකත්වයන් මෙන්ම වෛරය කැටි වූ අසාධරන බොරු චෝදනා එකිනෙක වෙන්කරගැනීමට මෙයින් පහසුවක් වීමත්, රටටත් සමාජයටත් වද නොදී ගොඩින් බේරා ගතහැකි ප්‍රශ්න එසේ ඒ ආකාරයෙන් විසඳීම නීතිය ක්‍රියාත්මක කිරීමේදීද යම් පහසුවක් වන බැවින්ය. එවිට උසාවි වල බොරු ප්‍රශ්න ගොඩගැසී කාලය නාස්ති වීමද මදකින් හෝ අඩුවී සැබෑ ප්‍රශ්න විසඳීමට වැඩි කාලයක් යොමු කිරීමටද හැකිවනු ඇත. 
                      

   විශේෂයෙන් එක්දහස් නවසිය අනූ ගනන් වල මුල් වරට සක්‍රීය වූ බාල අපරාධ නීති මෙරට අති මහත් බහුතරය ඉල්ලා සිටි දෙයක්වත් වැඩි දෙනාගේ උවමනාව පිට පැනනැගුන ඒවාවත් නොවන බවනම් ඉතා පැහැදිලිය. බාල අපරාධ යනුවෙන් වචනයක්ද ඊට පෙර අපගේ වචන මාලාවේවත් නොතිබුනු බව පැහැදිලි වන්නේ මෑතක් වනතුරුම විවාහ වීමට වයස් සීමා බාධක නොවීමත් අපේ පැරැන්නන් අඩු වයස් මට්ටම් වලින් විවාහ වී සාර්ථක ජීවිත ගෙනගොස් තිබීමත් යන සිද්ධි දෙස බලන විටයි. මෙහි යම් තරමකට හෝ ඇති සුලු අඩුපාඩුවක් වන්නේ අඩු වයසින් විවාහ වී නුසුදුසු වයස් මට්ටම් වලදී දරුවන් බිහිකිරීම ආශ්‍රිතව ඇති ජීව විද්‍යාත්මක ගැටළුවයි. එයටද විසඳුම බාල වයස්කාරියක් විවාහ කරගන්නා පිරිමියා හිරේ යැවීම නොව ඔවුන්ට නිසි ලිංගික උපදේශනයක් ලබා දීමයි. බාල වයස්කරුවන්ට පමණක් නොව පවුල් ජීවිත ගෙනයන වැඩිහිටි අය සඳහාද මෙවැනි උපදේශන සේවාවන් තිබීම තම ලිංගික ගැටළු විසඳාගැනීමට මහත් රුකුලක් වනු නියතය. ලිංගිකත්වයේ ස්වභාවික ගුණාංග වලට පිටින් ගොස් පිරිමි ලිංගිකත්වයේ ස්වභාවයම කාම අපරාධ සමග එකට ඈඳා දෝශදර්ශනයට ලක්කිරීමටද නොහැක. එවැනි දෙයක් කරන්නේනම් එහිදී ක්‍රියාත්මක වන්නේ ලිංගික කුහකත්වය මිස වෙනත් කිසිවක්ද නොවේ. අද අපට අවශ්‍ය වන්නේ ස්ත්‍රීවාදී වෛරයෙන් හා ලිංගික කුහකත්වයෙන් පිරුණු අසාධාරණ අතවර අර්ථකථනයන් නොව ලිංගිකත්වයේ ස්වභාවය පිළිබඳ බුද්ධියට විවුර්ත වූ හරවත් විචාරශීලීත්වයකි.
                                  ඇත්තෙන්ම මෙම නීති සංශෝධනය පිළිබඳ යෝජනාව කාන්තා කටයුතු ඇමතිවරයාගේ පුද්ගලික උවමනාවක් නොව පොදුවේ රටට අවශ්‍ය වන කාලීන අවශ්‍යතාවයකැයි පැහැදිලිව කිවහැක. එබැවින් කවුරු යෝජනා කළත් මෙය මේ ආකාරයෙන් සිදු වීම අතිශය වැදගත්ය. ලිංගික අතවර අර්ථගැන්වීම වල එල්බගෙන සිටීමටද නොහැක්කේ ඒ අර්ථගැන්වීම වල කුහකත්වයන් අන්තර්ගත වී තිබීමේ ප්‍රධාන කාරනාව උඩයි. අනෙක කාන්තාවන්ට සිදුවන ලිංගික අතවර සැලකීමේදී මෙකළ සමලිංගිකත්වය හිස ඔසවා තිබීම යන සාධකයත් සමග විශේෂයෙන් පිරිමින් මෙන් ක්‍රියාකරන සමලිංගික කාන්තාවන් වෙනත් කාන්තාවන්ට හා ගැහැනු ළමුන්ට ලිංගික අත්වර කිරීමේ ප්‍රවනතාවයක් පැහැදිලිව තිබේ. අනෙක මේ සමාජ ව්‍යාකූලතා සලකා බැලීමේදී මෙකළ පොදුවේ ගැහැනු හා පිරිමි බාලවයස්කරුවන් ගැහැනු පිරිමි දෙකොට්ඨාශයේම සමලිංගික අපයෝජකයින්ගෙන් ගලවාගැනීමද අනිවාර්‍ය දෙයකි. සැබවින්ම නීති අවශ්‍ය මෙවැනි දේ වැලැක්වීමට මිස නරුම ස්ත්‍රීවාදීන් හා කුහකයන් සැනසීමට නොවේ. මේ නීති සංශෝධනය කාන්තා කටයුතු ඇමතිවරයා මාර්ගයෙන් ඉදිරියට පැමිණ සක්‍රිය වුවහොත් ස්ත්‍රීවාදී රාජ්‍ය නොවන සංවිධාන දුම්මල වැදුනු යකුන් පෙරේතයන් මෙන් ආවේස වී ඊට විරුද්ධව සටන්පාඨ කියමින් උද්ඝෝෂණ කිරීමට බොහෝ දුරට ඉඩ තිබේ. කාන්තා විමුක්තිවාදිනියෝ බොරු මානව හිතවාදී මුහුනු පෙන්නමින් සටන්පාඨද ප්‍රදර්ශනය කරමින් විරෝධතා දක්වනු ඇත. එහෙත් රටට වැදගත් වනු ඇත්තේ ඒ කිසිවක් නොව රටේ මිනිසුන්ට සාධාරණය හා යුක්තිය ඉටුකරදීමයි. 

                                       දැනටත් කාන්තා කටයුතු අමාත්‍ය තිස්ස කරලියද්ද මහතාට එම තනතූරින් ඉල්ල අස්වීමට බලකරමින් ප්‍රකට ස්ත්‍රීවාදිනියන් සියගණනක් අත්සන් කළ පෙත්සමක් අමාත්‍යංශයට යැවීමට කටයුතු කර ඇති බව ආරංචියි. මොවුන්ගේ විරෝධතාවයන් කිසිවෙක් පඩේකටවත් ගනන්ගතයුතු නැත. කළයුත්තේ පළමුව නිසි ලිංගික උපදේශන සේවාවක් ලිංගික ගැටළු විසඳීමට පිහිටවීමය. එවිට බාල වයස්කරුවන් ඇතිකරගන්නා ලිංගික සබඳතා අනාරක්ෂිතව නොපැවැත්වීමටත් නිසි කලට විවාහ වීමට හා සුදුසු වයසට එළඹ්හීමෙන් පසු දරුවන් හදාගැනීමට ඔවුන්ට උපදෙස් ලබා දියහැක. එවිට අදාල නීති සංශෝධනයද අනවශ්‍ය ගැටළු වලින් තොරව කිරීමට පහසු වේ. නැවතත් කිවයුත්තේ මේ ආකාරයේ නීති සංශෝධනයක් සැබවින් රටට අවශ්‍ය බව හා එය කළහැකිනම් රජයටත් කාන්තා කටයුතු ඇමතිවරයාටත් රටේ වැඩි පිරිසකගේ උපහාරයද හිමිවන බවයි.
                              

මේ ලිපියට අවශ්‍ය තොරතුරු බොහොමයක් ලබාගත්තේ සහෝදර බ්ලොග් කතුවරයෙකු වන "ප්‍රතිවාදියා" ගේ බ්ලොග් ලිපියක් ඇසුරෙනි.

http://prathiwadhiya.blogspot.com/2014/05/blog-post_11.html

බුදු දහම හා ලිංගිකත්වයේ ස්වභාවය.

මේ ලිපිය වෙසක් දිනය නිමිත්තෙනි. බුදුන් වහන්සේගේ ධර්මය චතුරාර්‍ය සත්‍ය අවබෝධය මත පදනම් වන බව බෞද්ධයන් වන කවුරු නමුත් හොඳින් දන්නා දෙයකි. මේ චතුරාර්‍ය සත්‍ය යන්න ලෝක ස්වභාවධර්මය තුල විවිධ වස්තු විෂයන්ගේ පැවැත්ම අනුව බුදුන්වහන්සේ තමන් වහන්සේ විසින්ම අවබෝධ කරගෙන ඇත. මගේ ලිපියට පාදක වන සිද්ධාන්තය වන්නේ බුදු දහමෙන් ලොව සියලුම දේවල ස්වභාවිකත්වයට පරස්පර නොවන කාලානුරූපීය විපර්‍යාසයන් හා එසේ වීමේ ක්‍රියාව පිළිගෙන සසරින් නික්මීම දක්වා ඒ සමග එකට ගමන් කිරීමට ඉගැන්වෙනවා මිස හිතුවක්කාර ලෙස ස්වභාවධර්මයම නොපිට පෙරලීමට ඉගැන්වෙන්නේ නැත යන්නයි. බුදු දහමට අනුව ලිංගිකත්වය යන්න පිරික්සීමට ලක්වියයුත්තේද ඒ ටික හිතේ ධාරනය කරගෙනය.
                         ලිංගිකත්වයේ ස්වභාවය ගැන නැවත නැවත විස්තර කිරීම අනවශ්‍ය වුවත් කෙටියෙන් දෙයක් කියමි. එනම් ලිංගිකත්වය යන දෙය ජීවයේ අඛණ්ඩතාවය පවත්වාගැනීමට අවශ්‍ය ප්‍රජනන ක්‍රියාවලිය උදෙසා ස්වභාවයෙන් සියලු ජීවීන් වෙත දායාද වී ඇත යන්න හා ඒක ලිංගික සත්ව කොට්ඨාශ වල පුරුෂ හා ස්ත්‍රී ප්‍රජනන බීජ එක් කිරීමේ යාන්ත්‍රනය විරුද්ධ ලිංගික ආකර්ශනයත් ලිංගික සංසර්ගයත් යන්නයි. ඒක ලිංගික සත්ව කොට්ඨාශයක් වන මිනිසාටද මේ ධර්මතාවය පොදු බැවින් මෙලොව් එලොව දෙලොවේම යහපත සඳහා ගැහැනු හා පිරිමි ලිංගිකත්වයන්හි ගැලපීම් මිනිස් ප්‍රජාවක් තුලද තිබියයුතු වැදගත් ලක්ෂණයක් ලෙස සලකා ක්‍රියා කිරීම බෞද්ධ සමාජයටද එලෙසින්ම වලංගු බව කිවමනා දෙයක් නොවෙ. ලෝකය සම්භවයේ සිටම සියල්ල ස්වභාවධර්මය අනුව වෙනස් වෙමින් පවතින අතර වෙනස් වීම යනු ස්වභාවධර්මය මානවයාගේ උවමනා එපාකම් මත උඩු යටිකුරු කිරීම නොවන බව මෙහිදී මතක් කර දෙන්නේ මෙකළ පස්චාත් නූතනවාදය ආදී මතවාද කරපින්නාගත්තවුන් එලෙස සිතා සිටින බව පෙනෙන්නට ඇති බැවිනි. විශේෂයෙන් මොවුන් ලිංගිකත්වය යන්න ස්වභාවධර්මයේ ගමන් මාර්ගයෙන් පිටතට පන්නා මානවයාගේ ලිංගික කුහකත්වයන් මත විකුර්ති කර දැමීමේ දැඩි උත්සහයක නිරත වෙමින් සිටින බව පැහැදිලිය. සියල්ලට වඩා ගැටලුසහගත තත්වය වන්නේ මොවුන් එය කාලානුරූපීයව වියයුත්තක් ලෙස මතවාදීව බලහත්කාරයෙන් ඒත්තු ගැන්වීමට කටයුතු කිරීමයි. ඔවුන් අනුගමනය කරන ඇතැම් පස්චාත් නූතනවාදී බෞද්ධ උගතුන්ද එය බුදු දහමට අනුව අනිත්‍යතාවය පසක්කර දෙමින් වන වෙනස් වීමේ රටාව සමග පටලවා කුහක අදහස් බුදු දහමට ඇතුල් කර තිබීම බරපතලම මුලාවයි.

                                           ඉහත සිද්ධි සමූහය අපේ රටේ කුහක සුදනන්ගේ ක්‍රියාකලාපය දෙස බැලීමේදී මනාවට පසක්කරගතහැක බුදු දහමට අනුව වෙනස් වීමේ හා අනිත්‍ය බවේ ධර්මතාවය ලිංගිකත්වයට පමණක් නොව ලොව සියලු දේට පොදුය. නමුත් ඇතැම් කුහක සුදනන් අනෙකුත් බුදු දහමේ ඉගැන්වීම් වලටද පටහැනිව අනෙකුත් සියලු භෞතික සැප සම්පත් වල ඇලී ගැලෙමින් ඒ සියල්ල නොවෙනස්ව තබාගැනීමට උත්සහ කරන අතරම, මිනිස් ප්‍රජාවේ යහපතට ගොඩනැගී තිබෙන ස්වභාවධර්මයට එකඟ වන්නා වූ ලිංගිකත්වය ආශ්‍රිත සම්මුතීන් හා ගැහැනු පිරිමි ලිංගික ආකර්ශනය මත ගොඩනැගෙන බැඳීම් පමණක්, සියල්ල වෙනස් වන ධර්මතාවයට යටත් බව අවස්ථාවාදීව කියමින් පස්චාත් නූතන කුහකත්වය අනුව විකුර්ති කිරීමට අනුබල දෙති. ඔවුන්ට අනුව බුදු දහම විද්‍යානුකූල වන අතර නවීන භෞතික විද්‍යාවෙන් මුදල් ඉපයීමේ මූලික අරමුණ පමණක් ඇතිව මෙන්ම, අවශ්‍යතා වැඩිවන ආකාරයට නිර්මාණය වන තාක්ෂණික මෙවලම් ආදිය එම තාක්ෂණයන්හි අයහපත් අතුරු ප්‍රතිඵලද නොතකා බුදු දහමට අනුවද ලොව අනිවාර්‍රය සිදු වියයුතු දේ වෙයි. නමුත් සාමාන්‍ය සරල අවශ්‍යතා ඇති ස්වභාවධර්මයට අනුකූල ජීවිත ගත කරන මිනිසුන් ජීවත් වන සමාජයක පිරිමින්ගේ ලිංගික පෙරැත්ත සමග හොඳින් ගැලපෙන ලෙස කාන්තාවන් හැඩගැසී සිටීම එම කාන්තාවන් පිරිමින්ගේ කාම වස්තු වෙමින් කාමයේ ඇලී ගැලී සසර දිගු කරගෙන දුකට පත්වීමකි. 
                          

     මේ පිරිස සමලිංගිකත්වයටද පෙර ආත්ම භවයන්ගේ ස්ත්‍රී පුරුෂ භාවය හා ගති පැවතුම් බලපාන බව කියමින් එය සාමාන්‍ය දෙයක් යැයි කීමට උත්සහ කරන බවක්ද පෙනෙන්නට ඇත. පෙර ආත්ම වල එම කාරනා කෙනෙකුගේ ලිංගික හැසිරීමට බලපෑහැකි බව මමද පිළිගනිමි. එහෙත් එසේ වූ පමණින් ඊට ඉඩදී උඩබලාගෙන සිටියයුතු නැත. අනෙක මේ සුදනන් මිනිස් ලිංගිකත්වයේ විකුර්ති ස්වරූපයක් වන මේ හැසිරීමට බලපෑවේ කුසල කර්මයක්ද අකුසල කර්මයක්ද යන්න නොකියා පරෙස්සම් වීමට වගබලාගනිති. කෙනෙකුගේ මෙවන් කර්ම දෝශ ඒ අය කුඩා අවධියේදී ස්ත්‍රී පුරුෂ භාවය හා සමාජ්ය ගැන දැනුමක් ඇතිවන පරිදි ලිංගික සුවිශේෂීතා අනුව හැඩගැස්වීමක් කළහැකිනම් පැහැදිලිව මගහරවාගත හැක. බුදු දහමට අනුව කෙනෙකුගේ ලිංගික පෙරැත්ත සහ එහි ස්වභාවය සමග හොඳින් ගැලපෙන මෙන්ම ඊට හොඳින් අනුකූලතාවය දක්වන විරුද්ධ ලිංගික සහකරුවෙකු හෝ සහකාරියක් ලැබීමටත් දරුවන් ලැබීමටත් පැහැදිලිව කුසල කර්මයන් බලපායි. එහෙත් ලිංගිකත්වයේ ස්වභාවික ගුණාංග වලට ගරු නොකරන කුහකත්වය මේ කරුණ පිළිගැනීමටද පැසුබෑමක් ඇතිකරයි. කෙනෙකුට ස්වභාවිකව පිහිටන ලිංගිකත්වයේ ගුණාංග අත්විඳීමට නොහැකි වීම, තම ලිංගික පෙරැත්තට ගැලපෙන සහකරුවන් හෝ සහකාරියන් නොලැබීම හා කුඩා කළ සිට නොමග ගොස් විකුර්ති කාමුක ක්‍රියා වලට යොමු වීම යන සියලු දේට බුදු දහම අනුව බලවත අකුසලයන් බලපායි. කුහකකත්වයේ කඩතුරාවෙන් දෑස් වැසුනු කළ අර සුදනන් කීමට පසුබට වන්නේත් මේ ටිකමය. තවත් දෙයක් මතක් කිරීමට කැමතිය. මා පෙර කී සුදනන් සමහරෙක් කෙනෙකුට හින්සා කළ විට ඉදිරි ආත්ම භවයන් තුල ලැබෙන ඵල විපාක ගැන මහත් උනන්දුවෙන් අන් අයට කියන්නේ කවරෙකුගේ හෝ අත පය කැපීම වැනි ක්‍රියා සිදුකළවුන් ඉදිරි ආත්ම වලදී අත් පා අහිමිව ඉපදීම ආදිය උදාහරන ලෙසද ගනිමිනි. නමුත් ඔවුන් කෙනෙකුට ලිංගික වද හින්සා පමුණුවන්නන්ට එය පසු ආත්ම වලදී ඵල දෙන ආකාරය කීමට යම් මැලිකමක් දක්වති. ඇතැම් විට බාල වයස්කාරියක් විවාහ කරගත් තරුණයෙකුගේ ජනනේන්ද්‍රිය තලා දැමියයුතු බවට මෙවැන්නන් අදහස් දක්වන්නේ ඉන් තම සුදන ගුණයත් ලොවට පෙන්විය හැකියැයි සිතමිනි. ලිංගික අවයව පවා විකුර්ති වී මෙලොව උපදින්නේ බුදු දහමට අනුවද මෙලෙස පෙර ආත්ම වල පුද්ගලයන්ට කෲර ලිංගික වදහින්සා පැමිණවූවන් නොවේයැයි කාට කිවහැකිද? සැබෑ බෞද්ධකමක් ඇත්නම් ඕනෑම කෙනෙක් මෙවැනි කෲර ආකල්ප වලින්ද බැහැර වියයුත්තේ එලෙස අකුසලකර්මයන් කිරීමටද කවරෙකුට හෝ ඉඩ නොතබමිනි. 

                             ලිංගිකත්වයේ ස්වභාවය කෙරෙහි දක්වන අනවශ්‍ය පිළිකුල අපේ සමාජයේ අපේ සමාජයේ බොරු වැදගත්කමක් කොතෙක් දුරට ආරෝපනය කරගෙන තිබේද යන්න හා මෙය බෞද්ධකම සමග එකට ඈඳාගෙන තිබෙන ආකාරය පසක්කරන සිද්ධියක් මට තවම මතකය.මීට ටික කළකට පෙර වෙසක් පෝයක කැළණි විහාරය වැඳපුදාගැනීමට ගිය අවස්ථාවක විහාරය අසල ගඟ දෙපස සෙනග පිරී ඉතිරී ගොස් තිබුණි. මේ අතර පෙම්වතුන් හා කුඩා දරුවන් කැටුව සිටි විවාහක ජෝඩුද මද පින්නේ කුඩ යටට වී සිටිනු දැකියහැකි විය. සුලු මොහොතකින් ඒ දෙසට පැමිණි මැදි වියේ කිහිපදෙනෙකු ඔවුන්ට එසේ නොසිටින ලෙස අනකළේ එය  අශෝබන බව හා පුදබිමට නුසුදුසු බව කියමිනි. එම භූමි භාගය විහාරස්ථානයෙන් මදක් ඈත්ව තිබීම මෙහි එක් ගැටලුවක් වුවත් සැබෑ ප්‍රශ්නය එය නොවේ. කුඩයට සිටි ජෝඩු ඒ තුල සිට සංසර්ගයේ යෙදුනේ නැත. එමෙන්ම එසේ කුඩයක් යට යුවලක් සිටි පමණින් පුදබිමට මෙලෙස වන අගෞරවයක් නොමැති වීම හා, එසේ එය පුදබිමට නුසුදුසුයැයි නිගමනය කළ සුදනන් ලිංගිකත්වය ගැන දක්වන මෝඩ ආකල්පය සැබෑම ගැටලුවයි. සැබෑ බෞද්ධකම යනු මෙවැනි මෝඩ ශ්‍රද්ධාවන් නොවනවා මෙන්ම මෙකළ අප කළයුත්තේ සියලුම ලිංගික කුහකත්වයන් පිටුදකිමින් පස්චාත් නූතනවාදය වැනි බටහිර කුහක මතවාදවලින් බුදු දහම කිලිටි වීමටද ඉඩ නොතැබීමයි. එය මෙලොව එලොව දෙලොවටම යහපත් බවද කිවයුතුම වේ.
                             

සැබෑ ලිංගික නිදහස හා බොරු ලිංගික නිදහස

ලිංගික නිදහස ගැන වැඩිදුර කරුණු කීමට මත්තෙන් ලිංගික නිදහස යන්න ගැන සමාජයේ තිබෙන පැටලිලිසහගත බව නිරාකරනය කරගැනීමට ඉවහල් වන ලිපියක් සැපයීමට අදහස් කළෙමි. ඊට හේතුව මෑත කාලයේ බටහිර සමාජයේ ආකල්ප ඇසුරෙන් ගොඩනැගුන බොරු ලිංගික නිදහසක් ගැන මතවාදයන් රටම මුලාකරමින් පැවතීමයි. මෙරට ඇතමුන්ට අනුව බටහිර රටවල මහා ලොකු ලිංගික නිදහසක් ඇත. එහෙත් ඔවුන්ගේ මේ සිතුවිල්ල ඒ තරම් නිවැරදි නොවන්නේ ලිංගික කුහකත්වයන් බටහිර සමාජයේද දිනෙන් දින වැඩිවෙමින් පවතින තත්වය නිසාය. බටහිර රටවල අති විශාල ලිංගික නිදහසක් ඇත යන නිගමනයට එළඹෙන ඇතමුන් එය නීර්ණය කර තිබෙන්නේ සමලිංගිකත්වය ඇතුලු සියලු අස්වාභාවික ලිංගික චර්‍යාවන්ට බටහිර රටවල ඇති පිළිගැනීම හා එසේ පිළිගැනීමට බලපෑ පස්චාත් නූතනවාදය, ස්ත්‍රීවාදය වැනි දේ සලකායි. ඇත්තෙන්ම මේ නිගමනය හරිද?
       එහි හරි වැරැද්ද සෙවීමටද මත්තෙන් අපට විමසා බැලීමට තවත් දෙයක් ඇත. එනම් ලිංගික නිදහස යන්න අප තේරුම්ගන්නා සමාජ තත්වය අනුව ඒයද වෙනස් විය හැකි බවයි. කෙසේ වෙතත් කල්පවතින නිරවුල් සමාජ තත්වයක් සහිත මිනිස් ප්‍රජාවක් ගොඩනැගීමේදී ස්වභාවධර්මයට අනුකූල වන ලිංගික දිවි පෙවෙත සංස්කෘතික වටපිටාවේ සජීවී බවද පවත්වාගන්නා අත්තිවාරම ලෙස ක්‍රියා කිරීම වසන් කළ නොහැකි සත්‍යකි. එය ලිංගිකත්වයේ ස්වභාවික යහගුණයන් මිනිස් ප්‍රජාව වෙත අවශෝෂණය වන අයුරින් ලොව කොහෙදීත් ගොඩනැගෙන්නේය. ඒ පිරිමින් හා කාන්තාවන් වෙන් වෙන් වශයෙන් තම ලිංගිකත්වයටත් විරුද්ධ ලිංගිකත්වයටත් දක්වන සංවේදනය, ගැහැනු/පිරිමි ලිංගික සුවිශේෂත්වයන්  හා විරුද්ධ ලිංගික ආකර්ෂණය යන දේ සක්‍රීය වන පරිද්දෙනි. ලිංගික නිදහස යන්නට තේරුමක් ලැබෙන්නේද මෙලෙස ගොඩනැගෙන සමාජ පසුබිමකට සාපේක්ෂවය. එහි වරදක් කිව නොහැක්කේ මානව සමාජයේ නිර්මාණයන් හ ගොඩනැගීම් සියල්ලකම අරටුව ලෙස ලිංගිකත්වයට සම්බන්ධ නිර්මාණයන් පිහිටන නිසයි. මානව ක්‍රියාකාරකම් සියල්ලකම පාහේ  සුලුවෙන් හෝ ලිංගිකත්වය හා එහි ස්වභාවය ගැබ්වී ඇත. උදාහරනයක් වශයෙන් බැලුවොත් පුරුෂයාට හා ස්ත්‍රියට වෙන් වෙන් වශයෙන් තම ලිංගිකත්වයේ ස්වභාවය හා එහි එකිනෙකාට ඇති සුවිශේෂත්වයන් නිරූපනය වන ක්‍රියාකාරකම් සියල්ල ලිංගිකත්වයේ ස්වභාවය හා විරුද්ධ ලිංගික ආකර්ෂණයද ඒ ආකාරයෙන් නිරූපනය කරයි.         

    
                        ගැහැනු හෝ වේවා පිරිමින් වේවා, සිය විරුද්ධ ලිංගිකයාගේ අවධානයට ලක්වීම හා ආකර්ෂණය දිනාගැනීම එකිනෙකාට නොරිස්සුම්සහගත දෙයක් වන්නට හේතුවක් නැත. එසේ වන්නේනම් ඒ ලිංගිකත්වයේ ස්වභාවික ගතිලක්ෂණයන් ඉදිරියේ ලැජ්ජාවෙන් ඇඹරෙමින් තමන් විසින්ම තමන්ව රවටාගන්නා ස්වභාවධර්මයේ දායාදයක් නොවන කුහකකමක ප්‍රතිඵලයක් ලෙසයි. කෙසේ නමුදු ඊට ස්වභාවධර්මය අභිබවා යෑමේ ඉඩක් නැතිවන්නේ ස්වභාවිකත්වය සමග එක්ව යන ලිංගික චර්‍යා පටිපාටියක් මිනිස් ප්‍රජාවේම යහ පැවැත්ම සඳහා සැමට පොදුවේ පිළිගැනීමට සිදුවීමේ හේතුවෙනි. ඇත්තෙන්ම ලිංගික සදාචාරය යන්නෙන් පිළිබිඹු වන්නේ එයයි. ඒතුලින් සිදුවන්නේ කිසියම් පොදු සම්මතයකට අනුව ලිංගිකත්වයේ ස්වභාවය අත්විඳීම වේ. එයින් ලිංගිකත්වයේ ස්වභාවික යහගුණය මිනිස් ප්‍රජාව වෙත ලබාගන්නට බාධාවක් නැත. එසේ බාධා වන්නේනම් ඒ මා පෙර කී කුහකකම් ලිංගික සදාචාරය තුලට රිංගීමෙනි. ඇත්තෙන්ම ලිංගික සුවිශේෂීතා හා ගැලපීම් වැඩිදියුණු වෙමින් ඉදිරියට යෑමට සදාචාරාත්මක රාමු බාධකයන් නොවේ. එමෙන්ම ඒ තුලින් ලිංගික නිදහස යන්න සීමා වීමක්ද ඇත්තෙන්ම සිදු නොවෙයි.
                    පවුල් සංස්ථාවේ බිහිවීම, ලිංගික ඇසුර ගෘහස්ථ මට්ටමට යෑම, මනුස්සයන් ඇඳුම් ඇඳීම යන දේ සම්බන්ධයෙන් යම් සංවාදශීලී බවක් ඇත. පවුල් සංස්ථාව තුල එක් අයෙකුට විරුද්ධ ලිංගික සහකරුවන් එක් කෙනෙකු පමණක් සීමා වීම තුල ඊට පෙර සමාජ තත්වය හා සංසන්දනාත්මකව බලන කළ නිදහස සීමා වීමක් දැකිය හැකි නමුදු එයින් සාහකරුවන් සහකාරියන් ලබාගැනීමේ තරගය අඩුවේ. පවුල යන සංකල්පය නොමැති සමාජයක් තුල වඩා ශක්තිමත් සටන්කාමී පිරිමින් සහකාරියන් එක් කෙනෙකුට වඩා තබාගැනීමත්, ස්ත්‍රීන්ද එවැනි පුද්ගලයන්ට පමණක් අවනත වීමත් සිදුවිය හැක. එවිට පිරිමි ජනගහනයෙන් සැලකියයුතු පිරිසකට සහකාරියක් සොයාගැනීම අපහසු වේ. ඒ අනුව එවැනි තත්වයක යම් අවාසියක්ද ඇති බැව් පැහැදිලිය. ලිංගික ඇසුර ගෘහස්ථ මට්ටමට සීමා වීම සම්බන්ධයෙන්ද විවිධ අදහස් දැක්විය හැක. එයද ඊට පෙර තත්වයට සාපේක්ෂව වඩා හොඳ වන්නේ ප්‍රසිද්ධියේ ලිංගිකව හැසිරීමට වඩා නිදහසේ ආශ්වාදය ලැබීමට හැකි තත්වයක් ගෘහස්ථ සීමාව තුල තිබීම යන කාරනය මත වේ. එහෙත් මෙය තවත් කෙනෙකුට එසේ නොවන්නටද පුලුවන. මේ අනුව එය පුද්ගලයන්ට අනුව හා වෙනස් ප්‍රජාවන්ගේ මානසික පරිනාම මට්ටම් වලට සාපේක්ෂ වේ. මානවයා සිය පරිනාම මාර්ගයේ ඇඳුම් ඇඳීමට හුරු වීම ගැනද මාතෘකාවට අදාලව කරුණු කීපයක් කිවහැක.
                                 මිනිසුන් විලිවසාගැනීමට ඇඳුම් ඇඳීමට හුරු වීමද නිදහස පරිනාමය වීම ගැන කතාකිරීමේදී වඩා සංවාදශීලී සාධකයකි. මෙහිදී විලිවසාගැනීම යන්නම ලිංගිකත්වය හා සම්බන්ධ වන්නක් බව පැහැදිලිව පෙනේ. ජීව විද්‍යානුකූලව හා මනෝවිද්‍යාත්මකව බලනකළ විලිවසාගැනීමක් අවශ්‍ය වන්නේ මානවයාගේ මනසේ සංකීර්ණ බව හා ඒ වටා සම්බන්ධ වන මානසික පරිණාමය අනුවයි. මිනිසුන්ගේ ලිංගික ක්‍රියාකාරිත්වයේ හා ස්ත්‍රී පුරුෂ සම්බන්ධතාවල යාන්ත්‍රණය වෙනත් සතුන්ගේ මෙන් හරියටම ප්‍රජනන සමය තුලම ක්‍රියාත්මක නොවේ. මානසික ආකර්ෂණය හා ඒ තුලින් සක්‍රීය වන ලිංගික පෙරැත්ත මත ස්ත්‍රිය හා පුරුෂයා ලිංගිකව එක්වීම සිදුවියහැක. එය ඕනෑම මොහොතකද වීමට පුලුවන. විශේෂයෙන් ස්ත්‍රී ලිංගික අවයව දැකීමෙන් පුරුෂ ලිංගික පෙරැත්ත ක්ෂණිකව සක්‍රීය වේ. ගැහැනු පිරිමි එකිනෙකාට සිය විරුද්ධ ලිංගික අවයව දැකීමේදී ඇතිවන කුහුල හා ලිංගික සක්‍රීය බව මෙන්ම ස්වකීය අවයවයන්ට සමාන අවයව දැකීමට තිබෙන අකමැත්තද මානවයන් සතු මනෝමය ස්වභාවයකි. ඒ අනුව මිනිසුන් සමූහ ලෙස ජනාවාස වීමේදී ලිංගික අන්තර් ක්‍රියාකාරකම්ද ප්‍රමිතියකට තිබීම වැදගත් වන බැවින් ජනන ඉන්ද්‍රියන් වසා ගැනීමේ අව්ශ්‍යතාවයක් ඇතිවේ. ඒ තුලින් නිදහස සීමා වීමක් වනවාද? ලිංගික අවයව පමණක් වසා ගැනීම සඳහා තිබූ ප්‍රමිතිය කාලයත් සමග සංකීර්ණ වස්ත්‍රාභරණ දක්වා පරිණාමය වී තිබෙන්නේ ඒ ඔස්සේද ස්ත්‍රී පුරුෂ භාවයත් ලිංගික පෙරැත්තත් මනා ලෙස නිරූපනය වන අයුරිනි. ඇඳුම යන්න ගැහැනු පිරිමි බව අනුව විශේෂනය වීම සැබවින්ම සම්බන්ධ වන්නේ ලිංගිකත්වයත් විරුද්ධ ලිංගික ආකර්ෂණය හා ලිංගික පෙරැත්ත එකිනෙකට ගැලපීමත් සමගයි. ඒ තුලින් ලිංගික ක්‍රියාකාරකම් තවත් පුළුල් වනවා මෙන්ම වැඩි ලිංගික ආශ්වාදයක් ලැබීමට මනා පිටුවහලක්ද ලබාගත හැක. මිනිසුන් ඇඳුම් ඇඳීමට පෙර යුගවල සිටි පරම්පරාවට එම අත්දැකීම් නැති බැවින් එකලට සාපේක්ෂවනම් ඇඳුමක් ඇඳීම කරදරයක් හෝ නිදහස සීමා වීමක් විය හැක. නමුත් ලිංගිකත්වයේ ස්වභාවයට අනුකූලව එය තව තවත් ඔප්නංවාගැනීමට ඇඳුමෙන් අත්වන වාසිය ගැන සංවේදී තත්වයක් ඇති මෙකළ පරම්පරාවේ බහුතරයක් එලෙස නොසිතයි. මේ අනුව එහි තිබෙන සාපේක්ෂ බව ගැන අමුතුවෙන් කියන්නට දෙයක් නැත. කෙසේ නමුදු ලිංගිකත්වයේ ස්වභාවික යහගුණයන් තවත් වැඩිදියුණු වීමට ඉවහල් වන ක්‍රියාකාරකම් වලට සමගාමීව ලිංගික නිදහස තේරුම් ගැනීම වඩා සාධාරණය. 

               කෙසේ හෝ වේවා ලිංගික ක්‍රියාකාරකම් හා සමාජ ගොඩනැගීම් සංකීර්ණ වෙත්ම මානව ඉතිහාසයේ පෙර යුගවල තිබූ සදාචාරාත්මක රාමු තව තවත් සංකීර්ණ වී තිබේ. ලිංගික සදාචාරය යන්න මනා ලිංගික ක්‍රියාකාරකම් පද්ධතියක් පවත්වාගැනීමේ පොදු එකඟතාවයක් හැටියට අත්‍යවශ්‍ය වන බව කාටත් විවුර්තව පිළිගතහැක්කකි. එයින් ලිංගික නිදහස සීමාවීමක් වන්නේනම් ඊට හේතු වන්නේ ලිංගික කුහකත්වයන් සදාචාරයට වැරදි ලෙස බද්ධ වීමය. මෙහිදී ප්‍රධාන වන්නේ ලිංගික සංසර්ගයේදී පිරිමි හා ස්ත්‍රී අවයව අතර සිදුවන අන්තර් ක්‍රියාකාරකම් දැකීමට ඇති ලැජ්ජාව සීමාව ඉක්මවා ගොස් ලිංගික සදාචාරය සමග වැරදියට බද්ධවී ඊට වැරදි වටිනාකමක්ද ලබාගනිමින් ලිංගිකත්වයේ ස්වභාවික ගුණාංගයන්ටම දැඩිව පහර ගැසීමට මිනිස් මනසට අනුබල දීමයි. මෙයනම් හිතනවාට වඩා භයානක තත්වයකි. පුරුෂයෙකු හා ස්ත්‍රියක ප්‍රසිද්ධියේ සමාජය ඉදිරියේදී ලිංගිකව හැසිරීම ගැන ගැටලු පැහැදිලිව ඇත. නමුත් එය එසේ වූ පමණින ලිංගිකත්වයේ සමස්ථ ස්වභාවන් සියල්ලට පහරදීම එවැනි හේතුවක් මුල්කරගෙන වුවත් කළ නොහැකිය. සැබෑ සදාචාරය ඉක්මවාගිය කුහකත්වයකින් මනස විකල් කරගත් සමහරුන්ට මේ කාලයේ තරුණයකු සිය පෙම්වතිය සමග අත්වැල් බැඳගෙන මහ මග ගමන් කරන දර්ශනයක් පෙනෙන්නේද ඔවුන් ප්‍රසිද්ධියේ සංසර්ගයේ යෙදීමක් ලෙසයි. ඒ ලිංගික කුහකත්වය විසින් සමාජය යොමුකරවන දිශාවයි. මෙවැනි කුහකත්වයන්ට බොරු වැදගත්කම් ආදේශ වූ කළ සිදුවනහරියනම් අමුතුවෙන් කියන්නට අවශ්‍ය නැත. සැබෑ ලිංගික නිදහස සීමා වීමෙන්ද ඔබ්බට ගොස් බොරු ලිංගික නිදහසක් මානව සමාජයම රවටමින් ගොඩනැගෙන්නේ මෙහි ප්‍රතිඵලයක් ලෙසයි. 
                                         සැබෑ ලිංගික නිදහස හා බොරු ලිංගික නිදහස ගැන වඩා වැදගත් තොරතුරු රැසක් බටහිර ශිෂ්ඨාචාරය තුල ඇතිවූ වෙනස්කම් ඇසුරෙන් සොයාගත හැක. කාර්මික විප්ලවය සිදුවූ වකවානුව මුලදී කතෝලික පල්ලීයේ ආධිපත්‍යද  බිඳවැටෙන්නට පටන්ගත්තේ කාර්මීකරණය හරහා බටහිරට ධනය ගලාඒම තුලින් නිදහසේ සැපසම්පත් බුක්තිවිඳීමට කතෝලික සදාචාර පද්ධතිය බාධාවක් ලෙස බටහිර ජනයාම හඳුනාගැනීමත් සමගයි. එහිදී ලිංගික නිදහසද වැදගත් තැනක් ගනු ලැබීය. මෙ ගැන සංවාද ගොඩනැගුනු මුල් යුගයේ කතෝලික පල්ලියේ ලිංගික සදාචාරය ලිංගිකත්වයේ ස්වබාවික ගුණාංගයන් අත්විඳීමට බාධාවක් බවට මත පළ විය. එහිදී ලිංගික නිදහස යන්න ස්වභාවිකත්වයට සාපේක්ෂ ව හඳුනාගත් අතර ගැහැනු පිරිමි ලිංගික සබඳතා පවුලට සීමා නොවියයුතු බවටත් විවාහය තුලින් එක් සහකරුවෙකුට හෝ සහකාරියකට ලිංගික ජීවිතය සීමා කිරීම කරදරයක් බවටත් මතවාද ඉදිරිපත් විය.  නිදහසේ ඉඳුරන් පිනවීමට තැබෑරුම් සහිත සමාජ ශාලා බටහිර රටවල එලිදැක්කේ මෙහි ප්‍රතිඵලයක් ලෙසයි. සම්ප්‍රදායානුකූල කාන්තා ඇඳුම් වෙනුවට, පිරිමින්ගේ හැඟීම් වැඩිවශයෙන් උද්දීපනය කරන ඇඳුම් විලාසිතා කාන්තාවන් අතරද ජනප්‍රිය වන්නට විය. මුල් අවධියේ සදාචාර පද්ධතියද ලිංගික කුහකත්වයන්ට ගොනු කරමින් ප්‍රතික්ෂේප කළ නූතනවාදී මතදාරීන් කාන්තා නිදහස ගැන මතවාද ගොඩනැගීමට ගොස් සියල්ල අග මුල සොයාගත නොහැකි මට්ටමට පටලවගත්තෝය. එහිදී කාන්තාවන්ට ස්ත්‍රී ලිංගිකත්වය නිරූපනය කරමින් ඒ මත කටයුතු කිරීමේ නිදහසට වඩා ඉස්මතු වූයේ පිරිමින්ගේ ලිංගික කුහකත්වය මත කාන්තාවන් පුරුෂභාවය තුලට ගොනුකරමින් වෙනස් තෘප්තියක් ලැබීමටය. එහිදී කාන්තාවන්ට පිරිමින් අනුගමනය කරමින් ස්ත්‍රීභාවය මානසිකව අත්හැර පුරුෂභාවය තුලට යෑමේ නිදහස නූතන මතදාරීන් විසින් ඉස්මතු කරනු ලැබිණි. මෙහිදී ලිංගිකත්වයේ ස්වභාවික ගුණාංග අත්විඳීමට බාධාවක් නොවූ මෙන්ම ස්වභාවයට එකඟවූ සදාචාරාත්මක සම්මතයන් පවා ලිංගික කුහකත්වය තුලට ගොනුකළ නූතන මතදාරීන් කාන්තාවන් සතු ස්වභාවික ස්ත්‍රීත්වය පුරුෂයාගේ ලිංගික ස්වභාවයට ගැලපිම කාන්තා නිදහසට බාධාවක් යැයි කීවේ කාන්තාව පුරුෂයාගේ කාම වස්තුවක් නොවියයුතුබවට මත පළකරමිනි. එහිදී ඔවුන්ගේ හිත යට තිබූ කුහකත්වය විසින් ඔවුන්ට අමතක කරවනු ලැබූවේ කාන්තාවන් යනු මිනිස් වර්ගයේ ගැහැනු සත්වයා බවත් ඇයටද ලිංගික ආශාව ස්වභාවයෙන් පිහිටන බැවින් පිරිමින් තමන් වෙත ආකර්ශනය කරගැනීමත් පිරිමි සහකරුවකු සමග ලිංගික ඇසුර පැවැත්වීමේ හා දරුවන් හදාගැනීමේ අවශ්‍යතාවය ඇයටද තිබෙන බවයි. මෙවැනි මුලාවන් පස්චාත් නූතනවාදය, මාක්ස්වාදය වැනි මතවාද හරහා කුහකත්වයේ අන්ධකාරය තුලටම බටහිර සමාජය දක්කාගෙන ගියේ ලිංගිකත්වයේ ස්වභාවික යහගුණය යනු කුමක්ද යන්න තෝරා බේරා වෙන්කරගැනීමට තරම් සංවේදනයක් නැති තරමට අනාගත පරපුරේ මනස විකල් කරමිනි.

                             දැන් බටහිර සමාජය තුල දක්නට ලැබෙන්නේ ඉහත සඳහන් කළ ක්‍රියාවලියේ ප්‍රතිඵලයි. ඇත්තෙන්ම ලිංගික නිදහස ගැන කතා කිරීමට හෝ ලිංගිකත්වය යනු කුමක්දැයි මෙලොව එලිදකින කවරෙකු වුවත් තේරුම් ගන්නේ පවුල් පරිසරය තුලයි. ඒ මවුපියන්ගේ ලිංගික සුවිශේෂීතා දරුවන් සංවේදීව හඳුනා ගැනීමත් පිරිමි දරුවන් පවුලේ පියා අනුගමනය කිරීම හා ගැහැනු දරුවන් මව අනුගමනය කිරීමත් තුලිනි. මවුපියන් විසින් දරුවන්ට තම ලිංගික සුවිශේෂීතාවයන් වෙන වෙනම ලබාදීම සැබෑ ගුණධර්මයක් වන අතර එය සැබෑ ලිංගික නිදහස එහි ස්වභාවික යහගුණයද සමගින් ආරක්ෂා කරයි. නමුත් කාන්තා නිදහස යන සංකල්පය බටහිර ඉදිරියට ගියේ ලිංගිකත්වයේ ස්වභාවික ගුණාංගයන් සියල්ල කාන්තාවන්ගේ නිදහසට බාධකයන් ලෙස හුවා දක්වමිනි. එහිදී එම මතවාද කරපින්නාගත්තවුන් කාන්තා නිදහස යන්න පෙන්වාදුන්නේ කාන්තාවන්ට පුරුෂයා කරන සියලු කාර්‍යයන් කරමින් පුරුෂයා හා සම තත්වයට පත්වීමට ඇති නිදහස ලෙසයි. එහිදී ඔවුන් කාන්තාවන්ට ස්වභාවිකව උරුම වන ස්ත්‍රී ලිංගිකත්වයේ ස්වභාවයත් පිරිමින් ඊට ස්වභාවයෙන් දක්වන ආකර්ෂණයත් හෙලා දැක්කේ ඒ ඇසුරෙන් සමාජයේ ගොඩනැගී තිබුනු සියලු දේ කාන්තාවන්ගේ සමාජ ප්‍රගමනය සීමා කරන බවට චෝදනා කරමිනි. මුලින්ම මේ පිරිස බටහිර පවුල් සංස්ථාව විනාශ කළෝය. ඒ පවුල තුල කාන්තාව පුරුෂයාගේ වහලියක් වන බව කියමිනි. මාතෲත්වයද දැඩි ලෙස හෙලා දැක්ක ඔවුන් කියා සිටියේ කාන්තාවන් සිටින්නේ පුරුෂයාගේ දරුවන් වැදීමට නොවන බවයි. 
                              මේ කටයුතු වලින්ද නොනැවතුනු නූතන මතදාරීන් කාන්තාවන්ට ස්වභාවිකව උරුම වන ස්ත්‍රී ලිංගිකත්වය හා ඒ වටා ගොඩනැගෙන ලාක්ෂණිකත්වයන් සියල්ල බාල්දු කළේ පිරිමින් මෙන් හැසිරුනු කාන්තා චරිත වලට වීරත්වය ආරූඪ කරමිනි. එවැනි කාන්තාවන්ට ව්‍යාජ ගරුත්වයක්ද ඔවුන් ලබාදුන්නේ තම ලිංගික ආශාවන් සංතර්පනය කරගැනීමට ස්වභාවික ස්ත්‍රීත්වය හා එහි ලාක්ෂණිකත්වයන්ගෙන් හෙබි කාන්තාවන් ඔවුන්ගේ වචන පරිසමාප්ත අර්ථයෙන්ම කාම වස්තු ලෙස පරිහරනය කරමිනි. මේ ලිංගිකත්වයේ සැබෑ යහගුණයන් සමග අන්‍යෝන්‍ය අවබෝධයෙන් කටයුතු කිරීම කුහකත්වයන්ට ගොනු කරමින් ඔවුන්ගේ යටි සිතේ වූ කුහකත්වය තුල ඔවුන්ම මානසික අන්ධයන් වූ ආකාරයයි.  ඔවුන් විසින් කාන්තාවන් මානෝවිද්‍යාත්මකව පුරුෂභාවය තුලට ගොනු කරමින් ස්ත්‍රී ලිංගිකත්වයේ ගුණාංග වලට හා විරුද්ධ ලිංගික ආකර්ෂනයට බැට දෙමින් මිනිස් ලිංගිකත්වයේ මනෝ විකුර්ති ස්වරූපය වූ සමලිංගිකත්වය හා ඒවටා ඇති සමාජමය සාධක තවදුරටත් පෝෂණය කරනු ලැබීය. එසේ කරනු ලැබුවේ ලිංගිකත්වයේ ස්වභාවික ගුණාංගයන් අත්විඳීමට බාධාවන් නොවූ මෙන්ම එම ගුණාංග ජීවිතවලට අවශෝෂනය කරගැනීමද පහසු කළ සමාජයේ ස්ත්‍රී පුරුෂ බෙදීම් හා ලිංගික ස්වභාවයන්ට සංවේදී වර්ග කිරීම් ව්‍යාජ ලෙස කුහකත්වයන්ට ගලපමිනි. එහි අනෙක් අත වූයේ ඔවුන්ගේ මනසේ පැලපදියම්ව තිබූ ලිංගිකත්වයේ ස්වභාවයට බැට දීමේ සැබෑ කුහකත්වය මත බොරු ආචාරධර්ම ගොඩනැගීමයි. මෙලෙස ගොඩනැගූ එක ප්‍රභල ව්‍යාජනයක් වූයේ පුරුෂයා විසින් තම ලිංගික ස්වභාවයට ගැලපෙන ස්ත්‍රී ලිංගිකත්වය වැදගත් දෙයක් ලෙස සැලකීම හෙලාදකිමින් ඊට එරෙහිව සටන්කළ, පිරිමි ලිංගිකත්වයට ගරහන ගමන්  පිරිමි අනුකරනයද කළ කාන්තාවන්ට සමාජය තුල ගෞරවයක් අත්කර දීමයි. ඔවුන් මේටික කිරීමේදී ලිංගිකත්වයේ ස්වභාවයට එකඟ සැබෑ සදාචාරාත්මක සංකල්ප අයතා ලෙස පරිහරනය කර තිබෙන බවද පැහැදිලිය. විවාහයෙන් පිට ස්ත්‍රී පුරුෂ ලිංගික සබඳතා අනුමත නොකරන සදාචාරාත්මක රාමු අයතා ලෙස පරිහරනය කර සමලිංගිකත්වයට බුරුලක් ලබාදීමට ඔවුන් සැදී පැහැදී සිටියේ ඒ නිසයි. කාර්මික විප්ලවය සිදු වූ මුල් අවධිය තුල ලිංගිකත්වයේ ස්වභාවයට සාපේක්ෂව විවුර්ත ලෙස මිනිසුන් දුටු ලිංගික නිදහස මේ ආකාරයට පස්චාත් නූතනවාදය, කාන්තා විමුක්තිය, ලිබෙරල් වාදය හරහා බොරු ලිංගික නිදහසක් දක්වා වර්ධනය වූයේ පෙරකී බොරු ආචාරධර්ම වල සහයද ඇතුවයි.
                    

  ලිංගිකත්වයේ ස්වභාවික ගුණාංග අත්විඳීමටත් සැබෑ ලිංගික නිදහසටත් බාධාවක් නොවූ සැබෑ සාරධර්මයන් යටපත් කරමින් සැබෑම කුහකත්වයන් පසුබිම් කරගෙන කාන්තා නිදහස, පස්චාත් නූතනවාදය ආදී මතවාදයන් හරහා ගොඩනැගුනු බොරු ආචාරධර්මයන් බටහිර වර්තමාන පරපුරේම සිහිය විකල්කර ඇත. එය කොතෙක් දුරගොස් ඇත්දැයි කිවහොත් ලිංගිකත්වයේ ස්වභාවික ගුණය වන විරුද්ධ ලිංගික ආකර්ෂනය හා විෂම ලිංගිකත්වය හෙලාදකිමින් පුරුෂ ලිංගිකත්වයම ආරෝපනය කරගෙන පිරිමින් අනුකරනය කරන කාන්තාවන්ගේ නිදහස උදෙසා සමලිංගිකත්වයත් එහි පරිවාර සමාජ තත්වයනුත් පෝෂණය කිරීමේ බොරු ලිංගික නිදහසක් දැන් බටහිර දක්නට තිබේ. කාන්තාව යනු පුරුෂයාගේ කාම වස්තුවක් නොවන බවටත් කාන්තාවන් සිටින්නේ පිරිමින්ගේ ළමයි වැදීමට නොවන බවටත් මතවාද පැනනැගුණේ බටහිරින්මය. මේ තිල ගැබ්වී ඇත්තේ පැහැදිලිව ලිංගිකත්වයේ ස්වභාවික ගුණාංග හෙලාදැකීමකි. මේ මතවාද කරපින්නාගත්තවුන් සමලිංගිකත්වය හරහා කාන්තාවන් විකුර්ති කාමුකත්වයේ කාම වස්තු බවට පත්වීම ගැන කතා නොකිරීමට වගබලාගත්තෝය. එලෙසම ඔවුහු පුරුෂ සමලිංගිකයන්ගේ අයිතීන් වෙනුවෙන්ද පෙනීසිටියහ. විෂමලිංගික විවාහය තුල කාන්තාව පුරුෂයාගේ වහලියක් වන බව කියමින් මේ පිරිස සමලිංගික විවාහ ස්ථාපිත කිරීමද කළෝය. දරුවන් සම්බන්ධ අයිතිය කාන්තාවන්ට පමණක් පවරමින් පියා නොමැති පවුල් ඇතිකරන අතරතුරම සමලිංගිකයන්ට පවුල්කමින් දරුවන් දරුකමට හදාගැනීමේ අයිතිය පැවරීමටද මේ නූතන මතධාරීන් කටයුතු කළේ තවත් සමලිංගිකයින් ඒ සමලිංගික පවුල් තුලින් මනෝ විකුර්තිතාවයන් හරහා හදාගැනීමට හැකි බව හොඳින්ම දැනගෙනයි. පිරිමින්ගේ ලිංගික ආශාවන් සමග ගැලපෙන ඇඳුම් විලාසිතා කිරීම ඇතුලු කාන්තා ක්‍රියාකාරකම් පසුබස්සමින් පිරිමි ලිංගික හැඟීම් වලට අනුකූල නොවන පිළිකුල්සහගත දේ කිරීමට කාන්තා විමුක්තිය හරහා කාන්තාවන්ට දිරිදීමටද නූතන මතධාරීහු අමතක නොකළහ. එසේ පිළිකුල් සහගත දේ කිරීම කාන්තා අයිතියක් හා කාන්තාවන්ට තිබියයුතු නිදහසක් ලෙස ඔවුන් දුටුවේ තම යටිහිතේ තිබූ කුහක ගතියට සමගාමීවයි. මෙවැනි කුහකයන් තම ලිංගික සිතැඟි ඉටුකරගැනීමට ස්ත්‍රී ලාලිත්‍යයෙන් පිරි රූබර කාන්තාවන් සොයාගන්නේ තමන් සමාජයට පෙන්වන වෙස්මූන ගැන කිසිදු හිරිකිතකින් තොරව බව ඔවුන්ගේ හැටි දන්නා කවුරුත් හොඳින්ම දනිති. වර්තමානයේ බටහිර රජ කරන බොරු ලිංගික නිදහසේ තරම පෙන්වාදීමට මීට වඩා සාක්ෂි අවශ්‍යද?
                          ලිංගික නිදහස තිබෙන්නේ යැයි කියන බොහෝ බටහිර රටවල අද තිබෙන්නේ පීතෲමූලිකත්වයට හා විෂම ලිංගිකත්වයට එරෙහි ද්වේශසහගත බවකි. එය සැබෑ ලිංගික නිදහසක් නොවේ. ලිංගික නිදහසක් ඇතැයි කියන මේ රටවල විවාහ නීති හා දික්කසාද නීති තනිකර පුරුෂ විරෝධී මුහුණුවරක් ගෙන ඇත. බොහෝ රටවල දික්කසාද වලදී පිරිමින්ගේ දේපල වලින්ද වැඩි කොටසක් කාන්තාවන්ට හිමිවන ලෙස හා අසාධාරන ලෙස පුරුෂයාට දික්කසාද වන්දි ගෙවීමට සිදුවන ආකාරයට නීති හදා ඇත. දරුවන්ගේ අයිතිය මවට පමණක් හිමිකර දීමද සිදුවෙයි. තවත් එක් වෛරී නීතියක් වන්නේ බිරිඳ දූෂණය කිරීමේ වරද හැටියට හඳුන්වන නීතියයි. මෙය ස්වීඩනය වැනි රටවල ක්‍රියාත්මක වේ. එහිදී විවාහක බිරිඳ අකමැති අවස්ථාවක සැමියා යම් ලිංගික කටයුත්තක නියැලීමට උත්සහ කළොත් අදාල කාන්තාවට නඩු පැවරිය හැක. එලෙසම බිරිඳගේ කැමැත්ත ඇතිව පමණක් උපත්පාලන කොපු භාවිතා නොකර ලිංගික සංසර්ගයේ යෙදියයුතු වන අතර එසේ නොවුවහොත් ඒ සඳහාද බිරිඳට නඩු දමා සැමියා බන්ධනාගාරගත කළ හැක. ලිංගික අතවර නීති ක්‍රියාත්මක වීමේදීද පුරුෂ විරෝධී මෙන්ම විෂම ලිංගික විරෝධී ලෙස ඒවා ක්‍රියාත්මක වේ. සමලිංගිකත්වයට අදාල කාම අපචාර හා ළමා අපචාර වලට දෙන දඬුවම් ලිහිල් වන අතර බොහෝ විට වැරදිකරුවන් නීතියෙන් ගලවාගැනීමට නීති බලධාරීන්ම අප්‍රසිද්ධියේ කටයුතු කරති. ඒ රටවල පිරිමින්ට පැහැදිලි ලිංගික පීඩනයක් තිබේ. ගණිකා වුර්තිය එම රටවල නීතියෙන් පිළිගෙන තිබෙන්නේද ඒ නිසයි. ඒ විෂමලිංගික පිරිමි පාර්ශවය අසාධාරන නීති හේතුවෙන් නීත්‍යානුකූල විවාහ ජීවිත ගතකිරීමට පසුබාන බැවින්ය. විවාහ නොවී ඒකාබද්ධ ලිංගික ජීවිත ගෙනයෑම පිළිගෙන ඇත්තේද ඒ නිසයි. නමුත් ගණිකා වුර්තිය නීතිගතව තිබීම හා විවාහ නොවී ලිංගික ජීවිත ගෙනයෑම පිළිගෙන තිබීම දෙස බලා එම රටවල ලිංගික නිදහස තක්සේරු කිරීමට අපේ රටේ ඇතමුන් ඉක්මන් වන ආකාරයක් අප් දැක ඇත. එම රටවල පිරිමින්ගෙන් සැලකියයුතු පිරිසක් වෙනත් රටවල කාන්තාවන් විවාහ කරගෙන ඇත. එමෙන්ම බොහෝ පිරිමින් ලිංගික උවමනා එපාකම් සපුරාගැනීම සඳහාම ආසියාතික රටවල සංචාරය කරති. බටහිර වැඩිහිටියන්ට පමණක් සීමා වන වෙබ් අඩවි වල තිබෙන වර්ගීකරනයන් දෙස බැලීමේදී පෙනෙන්නේද විකුර්ති කාමුකත්වය බටහිරදී ජීව විද්‍යාවද අවියක් කරගෙන වැඩී ඇති අයුරුයි. එසේ වූයේද මෙහි මින් පෙර පෙන්වාදුන් නූතන කුහකත්වයේ බොරු ලිංගික නිදහස කරලියට පැමිණීම සමගය. 

                                 සැබෑ ලිංගික නිදහස, ලිංගිකත්වයේ ස්වභාවික යහගුණයන් අත්විඳීමේ සම්මුතීන් හා ආචාරධර්ම බොරු ලිංගික නිදහසක් හා බොරු ආචාර්ධර්ම බවට පත්වන්නට තිබෙන ඉඩකඩ හා ඊට බලපාන සාධක ගැනත් යමක් කතා කිරීම වැදගත් වේ. ලිංගිකත්වයේ ස්වභාවයට එකඟ වන දිවිපැවැත්මක් ගෙනයෑමට ලිංගික සදාචාරයක් අවශ්‍ය බව ඇත්තකි එය සැබෑ ලිංගික නිදහස නැති නොකරන බවද සත්‍ය වේ. නමුත් සදාචාරාත්මක රාමූ අනවශ්‍ය ලෙස සංකීර්ණ කරගත් විට හා ඒ මත දැඩිව එල්බගනිමින් සදාචාර උමතුවක් කරා ගියකළ එයින් ඇතිවන විකල් මානසිකත්වයම බොරු සදාචාරයකට මගපාදයි. මේ බොරු සදාචාරය මිනිස් ලිංගිකත්වයේම විකුර්ති ස්වරූපයන් පෝෂණය කරමින් අවසානයේ එහිද සීමා මායිම් ඉක්මවා ගොස් බොරු ලිංගික නිදහසක් දක්වා දුරදිග යන බවද පැහැදිලිය. සදාචාරය මත දැඩිව එල්බගෙන විවාහයට පෙර විරුද්ධ ලිංගික ඇසුරට දැඩිව වැට බඳිමින් සමලිංගිකත්වයට බුරුලදීම, කාන්තාවන්ට වන ලිංගික අතවර අර්ථකථනයන් මත දැඩිව එල්බගෙන කාන්තාවන් අතරද අතවර භීතිකාව දැඩි ලෙස වර්ධනය කරමින් අතවර මැඩලීමට ලිංගිකත්වයේ ස්වභාවයම ඉක්මවා කටයුතු කිරීම වැනි දෑ මෙහිදී කැපී පෙනේ. මෙවැනි ව්‍යාජනයන් විසින් සමාජයම සිහි විකල් කිරීමට පෙර බටහිරට අද සිද්ධවී ඇති දේවල් තේරුම්ගනිමින් දැන්සිට විචාරබුද්ධියෙන් සන්නද්ධ වීම අපේ අඟට ගුණය.
                         

සිංහල අළුත් අවුරුදු සුබපැතුම්

 

                ඔන්න ඉතින් අපේ බ්ලොග් හිතවතුන් ඇතුලු අන්තර්ජාලයේ සියලුම බ්ලොග් පාඨකයන්ට ලබන්නාවූ සිංහල අළුත් අවුරුද්ද සතුට සෞභාග්‍ය පිරි සුබම අළුත් අවුරුද්දක් වේවා කියලා මම ප්‍රාර්ථනා කරනවා. අපට මේ අවුරුද්දේත් සංවාදශීලිව අළුත් අදහස් එක්ක අපේ බ්ලොග් කරගෙන යන්න ශක්තිය ධෛර්‍ය ලැබේවා කියලත් මම ප්‍රාර්ථනා කරනවා.

අමුඩය ගැන යමක්

මීට ටික කළකට පෙර අමුඩය ගසාගෙන මිනිසුන් කුඹුරු වැඩ කරන දර්ශනය ලංකාවේ සාමාන්‍ය දෙයක් විය. එහෙත දැන් එම දර්ශනය සුලබව දක්නට ලැබෙන්නේ තරමක් පිටිසරබද ප්‍රදේශ වල පමණය. නාගරික සමාජයේ මේ දර්ශනය දක්නට ඇත්තේම නැත. නාගරික පිරිස අතර වර්තමාන පරපුර ඇතැම් විට අමුඩය ගැන දන්නේද නැතිවීමට ඉඩ ඇත. මේ කියන්නට යන්නේ අමුඩය ගැන සාමාන්‍යයෙන් වැඩි දෙනෙකු නොදන්නා කරුනු ටිකකි.
                             අමුඩය යන්න අපේ රටේ පිරිමි පාර්ශවයට සුවිශේෂ සම්ප්‍රදායානුකූල ඇඳුමක් හැටියට අප හඳුනාගෙන ඇතත් වෙනත් රටවල වෙනස් සමාජ පසුබිම්වලද පිරිමි පාර්ශවය අමුඩයට සමාන ඇඳුම් අඳිති. ඒ පොදුවේ ගත්කළ ඕනෑම සංස්කෘතික පසුබිමක් තුල පිරිමි පාර්ශවය වැඩිපුර ශක්තිය වැයකරමින් මහන්සියෙන් යම් යම් කාර්‍යයන් කරන බැවිනි. එහිදී අමුඩය ඊට වඩා යෝග්‍ය ඇඳුමක් වූවාට කිසිම සැකයක් නැත.
                              අමුඩය වටා ගොඩනැගුන සිරිත් වැනි දේද නැතුවා නොවේ. ඉන් එක් සුවිශේෂී දෙයක් පැරනි උඩරට සමාජයේ තිබූ එකගෙයිකෑම නම් විශේෂ සිද්ධියත් සමග බැඳී ඇත. එහිදී එකම පවුලේ සහෝදරයන් දෙදෙනෙකු එක් කාන්තාවක් විවාහ කරගැනීම සිදුවේ. එබැවින් සහෝදරයන් දෙදෙනා විටින් විට මාරුවෙන් මාරුවට එකම සහකාරිය සමග ලිංගික ස්බඳතාවය පවත්වයි. එහිදී එක් අයෙකු සහකාරිය සමග සංවාසයේ යෙදෙන බව අනෙක් කෙනාට ඇඟවීම සඳහා අමුඩය කාමරයේ දොරට උඩින් දමා එලියට පෙනෙන්නට සලස්වයි. එය එකළ එම සිරිත පැවති සමාජයේ සාමාන්‍ය දෙයක් බවට පත්වී තිබුණු බවද පැහැදිලිය.

  

     මේ දේවල් හැරුණු විට අමුඩය වටා බැඳුනු පිරිමි ලිංගික ක්‍රියාකාරිත්වයට වැදගත් ජීව විද්‍යාත්මක කරුණක්ද වෙයි. අමුඩය යනු පිරිමින්ගේ වෘෂණ පහත් නොවන ලෙස තබාගන්නා ආධාරක යට ඇඳුමකි. එයට යොදාගන්නා රෙදි කැබැල්ල අමුඩ ලේන්සුව ලෙස හඳුන්වයි. අමුඩ ලේන්සුවේ වැදගත් ලක්ෂණය වන්නේ එය සියුම් දැලක් බඳු වූ නූල් ගෙතුම් අතර තරමක් ලොකු හිඩැස් සහිත රෙද්දක් වීම වේ. එය ඇඳගෙන වැඩපල කරනවිට දහඩිය උරාගැනීම හොඳින් සිදුවනවා මෙන්ම පරිසරයේ ස්වභාවික හුලං වැදීමකින් වෘෂණ වලට මනා සිසිලනයක් ලැබෙන්නේ දහඩිය වාශ්ප වීමත් සමගයි. එලෙසම අමුඩය පිටින් දියට බැස්ස කළද වෘෂණ වලට හොඳින් සිසිලනය ලැබෙන්නේ එහි සියුම් දැල් ස්වභාවය නිසාය. ඇත්තෙන්ම වෘෂණ වලට සිසිලනය ලැබීමේ වැදගත්කම කුමක්ද? මිනිසා ක්ෂීරපායී සත්වයෙකි. සාමාන්‍ය වශයෙන් ක්ෂීරපායි සතුන්ගේ ශරීර උෂ්ණත්වය තරමක් ඉහලය එමෙන්ම උෂ්ණත්වය නියත මට්ටමක පවත්වාගැනීමද සිදුවේ. මේ උෂ්ණත්ව මට්ටම පුරුෂ ප්‍රජනක සෛල හෙවත් ශුක්‍රාණු හැදීමේ ක්‍රියාවලියට ඒ තරම් සුදුසු නැත. සාමාන්‍යයෙන් ක්ෂීරපායි පිරිමි සතුන්ගේ වෘෂණ ශරීරයෙන් පිටත කෝෂ වල පිහිටන්නේ ඒ නිසයි. වෘෂණ වලට මනා සිසිලනයක් ලැබීම යනු ශුක්‍රාණු හැදීමේ ක්‍රියාවලිය ඉතා හොඳින් සිදුවීමට යම් රුකුලක් ලැබීමයි. එකළ සමාජයේ පිරිමින් ධාතු ශක්තිය අතින් ඉහල මට්ටමක වූ බව නොරහසකි. එනම් ඔවුන් ප්‍රජනන ශක්තිය අතින් වර්තමාන මිනිසුන්ට සාපේක්ෂව ඉහල වූ බව පෙනේ. එකල පිරිමින් අතර ලිංගික නිසරුබව සාපේක්ෂව බෙහෙවින් අඩුවන්නට ඇත.
                       

    මෙයට ටික කළකට ඉහතදී පවා අමුඩය ගසාගෙන වැඩකිරීම සමාජයේ ලැජ්ජාවට කරුණක් වී තිබුණේ නැත. එමෙන්ම එවැනි දර්ශනයක් සමාජයට අප්‍රසන්න දෙයක්ද නොවීය. මේ අනුව බලන කළ අමුඩය යනු යම් සුවිශේෂී බවක් සහිත ඇඳුමක් මිස එය උපහාසයට ලක්කළයුතු දෙයක් නොවන බවනම් කිවහැක.

පොඩි තාක්ෂණික දෝශයක් ගැන ලිපියක්

ඔන්න යාලුවනේ මේ පෝස්ට් එකනම් අපේ හුරුපුරුදු මාතෘකා සම්බන්ධ එකක් නෙවෙයි. ඒක් මේ ලඟදි ඉඳලා මට බ්ලොග් එක භාවිතයේදී ඇතිවන යම් තාක්ෂණික දෝශයක් සම්බන්ධවයි. මේ ලිපිය පලකරන්න හිතුවේ අපේ අනෙකුත් සහෝදර බ්ලොග්කරුවන්ටත් මේ ප්‍රශ්නය තියෙනවාද කියලා දැනගන්නයි. 

ප්‍රශ්නය මේකයි. මම පුරුදු විදිහටම ඔයාලගේ බ්ලොග් කියවන අතරතුරේ බ්ලොග් කීපයකට සම්බන්ධ වෙන්න උත්සහ කළා "Follow  " ගැජට් එක හරහා. නමුත් ටික දවසක ඉඳලා දිගටම පහත සඳහන් " Error message " එක එනවා මේ විදිහට "Follow " කරන්න ගියහම.

\\    We're sorry...

We were unable to handle your request. Please try again or return a bit later.  \\

මමනම් හිතන්නේ මේක "Google " එකේ තාක්ෂණික ගැටලුවක් වෙන්න පුලුවන් කියලා. ඒත් ඒක සැකහැර දැනගන්නයි ඔයාලගෙන් අහන්න හිතුවේ ඔයාලටත් මේ ප්‍රශ්නය තියෙනවාද කියලා. එහෙම මේ ප්‍රශ්නයම ඔයාලටත් තියෙනවානම් මේක " Google " එකේ තාක්ෂණික ගැටලුවක් වෙන්න තමයි ඉඩ තියෙන්නේ. මේක මගේ බ්ලොග් එකේ විතරක් තියෙන එකක්නම් මගේ බ්ලොග් එකේ තාක්ෂණික දෝශයක් වෙන්න පුලුවන් කියලයි හිතෙන්නේ. ඔයාලටත් මෙහෙම ප්‍රශ්නයක් ලඟකදි ඉඳලා තියෙනවානම් මෙ ලිපියට කමෙන්ට් එකක් දාන්න.

ස්තුතියි.